Egitaraua eta Sarrerak

Filmak non ikusi eta egitarauaren erabilpena

Astelehena. 30 Azaroa, 2026 - Igandea. 06 Abendua, 2026

Week 49

Ostirala. 04 Abendua, 2026
19:30	Euskalduna Bilbao - 04 dic 19:30 - The Dark Wizard Ep.1 / The Dark Wizard Ep.2 Euskalduna Jauregia THE DARK WIZARD EP.1 Ameriketako Estatu Batuak, 60 min Zuzendaria: Peter Mortimer, Nick Rosen Dean Potterrentzat muturreko eskalada ihesbide bat da. Errekorrak hausten dituen aldi berean, bere harreman pertsonalek planteatzen dizkioten erronkei ere aurre egin behar die. THE DARK WIZARD EP.2 Ameriketako Estatu Batuak, 58 min Zuzendaria: Peter Mortimer, Nick Rosen Dean Potter bere barneko deabruekin borrokan eta balentriak muga-mugaraino eramaten ari den bitartean, arreta piztu duen eskalatzaile gazte batek mehatxuan jartzen du haren nagusitasuna: Alex Honnold du izena.
Larunbata. 05 Abendua, 2026
10:00	WORKSHOP MENDIKO AKUARELA ESPERIMENTALA ETA KROKISA Euskalduna Bilbao 6 Dic 10:00 Euskalduna Jauregia MENDIKO AKUARELA ESPERIMENTALA ETA KROKISA ELI AZURMENDI Y CHEMA AGUSTÍN Akuarelen tailer esperimental honetan mendiak eta krokisak akuarelaz margotuko ditugu, transferra, collagea, eta antzerako teknikak aplikatuz, marrazki guztiak batu eta akordeoi liburu bat sortzeko. Eli Azurmendik eta Txema Agustinek gidatuko gaituzte. Eli Azurmendi Expocroquis proiektuaren egileetako bat eta koordinatzailea. Bertan daude 'El Arte en el croquis de escalada-Art in climbing Topos' liburua, 'HARRI, ORRI, ARkatz' erakusketa, eta izen bereko dokumentala. Chema Agustín Artista plastikoa, mendizalea eta eskalatzailea. Riglos vertical eskalada gidaren egileetako bat da, Riglorámico bere artista-liburuan Mallos de Riglos eremuaren ikerketa plastikoa egiten du, Alpinist54 aldizkarirako mendi gaiei lotutako poker-sorta bat diseinatu du, eta Ordesa, Naturaleza y cultura popular liburua jantzi du haren ilustrazioekin.
12:00	Euskalduna Bilbao - 05 dic 12:00 - Birdlife / Trail Keepers / Himalaya+50 Euskalduna Jauregia TRAIL KEEPERS Espainia, 20 min Zuzendaria: Prunelle Mathet, Ben Suliteanu EUSKADI MAILAKO ESTREINALDIA Pirinioak, Suediako iparraldea edota Kaliforniako Sierra Nevada bezalako mendigune liluragarrietan korrika egiteko bideak eraiki eta mantentzen dituzten pertsona eta elkarte konprometituak dira Xavi Laporta, Emmie Collinge eta Truckee Trails fundazioa. Kilian Jornet Fundazioaren laguntza dute, eta haien lanari esker, korrikalariek naturaz modu seguruan gozatu dezakete, eta aldi berean balio handiko ekosistemak eta fauna basatia babesten laguntzen dute, guztion aztarnek bide beretik jarrai dezatela bermatuz. BIRDLIFE Belgika, 35 min Zuzendaria: Léopold Le Grelle EUSKADI MAILAKO ESTREINALDIA Wingsuit modernoaren bilakaera, kirol honetako bederatzi aitzindari eta atleta eraginkorrenen istorioen bidez. Belaunaldi eta jatorri askotarikoak daude ordezkatuta 'Birdlife' dokumentalean. HIMALAYA+50 Espainia, 45 min Zuzendaria: Jerónimo López EUSKADI MAILAKO ESTREINALDIA Jerónimo López Manasluko bailarara itzuli da, duela 50 urte bisitatu zuen lekura. Orduan, espainiarrek igo zuten lehen zortzimilakora egindako espedizioan parte hartu zuen. 1970eko hamarkadako espedizio haien eta 2025ean egindakoaren arteko konparazioak Himalaiako alpinismoan izandako aldaketei buruz hausnartzeko aukera ematen du. Carlos Suárezen oroimenari eskainitako dokumentalak naturaren handitasuna erakusten du, Himalaiako berezitasun geologiko eta ekologikoei buruzko azalpenekin batera. Era berean, klima-aldaketaren ondorioak eta horrekin lotutako arriskuak ere jorratzen ditu.
12:30	Euskalduna Bilbao - 05 dic 12:30 - MendiTalk: THE DARK WIZARD: Sormena, etika eta banaketa Euskalduna Jauregia MENDITALK: THE DARK WIZARD: SORMENA, ETIKA ETA BANAKETA PETER MORTIMER en conversación con Óscar Gogorza y Javier Baraiazarra Peter Mortimer, ‘Valley Uprising’, ‘The Dawn Wall’ eta ‘The Alpinist’ filmen zuzendariak, bere sormen ibilbideari buruzko errepasoa egingo du, lehen lanetatik hasi eta ‘The Dark Wizard’ dokusaileraino. Sender Films-ek mendiko istorioak kontatzeko garatu duen ikuspegi propioa partekatuko du: ustekabeko pertsonaiak, harrigarriak diren harremanak eta kirol balentrietatik harago doazen kontakizunak bilatzen dituen begirada. Halaber, mendiko dokumentalgintzak planteatzen dituen erronka etikoez hausnartuko du. Reel Rock jaialdiaren 20. edizioa dela eta, ekoizpenaren eta banaketaren inguruan bizi izan dituen esperientziak azalduko ditu, eta mendiko zinea publiko zabalago batengana hurbiltzeko aukera berriak eta eredu alternatiboak aztertuko ditu. Berarekin solasean ariko dira Oscar Gogorza, mendian espezializatutako kazetaria eta goi-mendiko gidaria, eta Javier Baraiazarra, Mendi Filmeko zuzendaria.
16:00	Euskalduna Bilbao - 05 dic 16:00 - PanelTalk: MONTAÑAS QUE CAMBIAN / Permapyrenees Euskalduna Jauregia PANELTALK: MENDI ALDAKORRAK Eñaut Izagirre Estibaritz, Jerónimo López Martínez y Marc Oliva Franganillo Atzera egiten duten glaziarrak, degradatzen ari den permafrosta, amiltzen diren horma izoztuak, goi-mendietako paisaiak aldatzen ari dira. ‘Permapyrenees’ film laburraren proiekzioaren ondoren, Jerónimo López eta Marc Oliva, Eñaut Izagirre geografo eta glaziologoarekin solasean arituko dira, mendia nola aldatzen ari den, kriosferak zer-nolako zeregina duen eta aldaketa horiek zer arrisku dakartzaten aztertzeko. JERÓNIMO LÓPEZ MARTÍNEZ Alpinista, Geologia Zientzietan doktorea eta Madrilgo Unibertsitate Autonomoko irakasle emeritua. Espainiako alpinismoaren aitzindarietako bat, 1975ean Manaslura egindako lehen espainiar igoeraren protagonista izan zen. Antartikako Ikerketarako Batzorde Zientifikoko (SCAR) presidentea izan zen 2012tik 2016ra, eta klima-aldaketaren inguruko nazioarteko foro askotan parte hartu du. Mendietan bizi izandako esperientzia eta zientzialari gisa egindako behaketak uztartuz, paisaia alpinoen bilakaerari buruzko ikuspegi apartekoa eskaintzen du. MARC OLIVA FRANGANILLO Bartzelonako Unibertsitateko Geografia irakaslea eta ANTALP ikerketa-taldeko zuzendaria. Geomorfologian, klimatologian eta eskualde hotzetako ingurumen-aldaketetan espezializatua, glaziarren, permafrostaren eta mendi-paisaien bilakaera ikertzen du klima-aldaketaren testuinguruan. Artikora eta Antartikara egindako espedizio zientifiko ugaritan parte hartu du. Permapyrenees proiektuaren zuzendari gisa, mendiaren oinarri ezkutuenetako bat nola aldatzen ari den eta aldaketa horiek etorkizuneko paisaietan zer arrasto utziko duten aztertzen duenaren ikuspegia eskaintzen du. EÑAUT IZAGIRRE ESTIBARITZ Geografoa, glaziologoa eta, batez ere, mendizalea amorratua. Hamarkada bat baino gehiago eman du Pirinioetako, Patagoniako eta Suaren Lurraldeko glaziarrak ikertzen eta zeharkatzen. Bere doktorego-tesiak Darwin mendikateko glaziarren eta glaziar-jatorriko aintziren bilakaera aztertu zuen. ‘Incognita Patagonia’ (2016) eta ‘Into the Ice’ (2022) espedizioak zuzendu ditu, Mendi Film jaialdian aurkeztutako eta saritutako dokumentalen ardatz izan direnak. 2010az geroztik jaialdiko kolaboratzailea, solasaldi honetan zientziaren eta alpinismoaren arteko zubia eraikiko du. PERMAPYRENEES Espainia, 10 min Zuzendaria: Laura Vinyals EUSKADI MAILAKO ESTREINALDIA Pirinioetako gailurrik garaienetan, ia ikusezina izanik ere mendien etorkizuna baldintzatzen duen elementu bat dago harkaitzen, glaziarren eta oinezko bideen azpian: permafrost-a. Katalunia, Frantzia eta Andorrako mugaz gaindiko talde zientifiko batek, Pirinioetako lur izoztua klima aldaketaren eraginez nola eraldatzen ari den ikertu du mendigune ezagunetan: Besiberri, Pessons zirkua, Vignemale, Pica d’Estats eta Maladeta.
17:00	Euskalduna Bilbao - 05 dic 17:00 - The Dark Wizard Ep.3 / The Dark Wizard Ep.4 Euskalduna Jauregia THE DARK WIZARD EP.3 Ameriketako Estatu Batuak, 55 min Zuzendaria: Peter Mortimer, Nick Rosen Alex Honnoldekin duen lehia gero eta biziagoa den heinean, Dean Potteren egoera mentala okertzen doa, eta gertuko pertsonengandik urruntzen hasten da. THE DARK WIZARD EP.4 Ameriketako Estatu Batuak, 61 min Zuzendaria: Peter Mortimer, Nick Rosen Egonkortasuna ematen dion harreman berri bati esker, Dean Potterrek oreka berri bat aurkituko du, eta wingsuit edo hegal-jantziaren munduan murgiltzen da.
18:45	Euskalduna Bilbao - 05 dic 18:45 - MendiTalk: ESCALADA EN B/N Euskalduna Jauregia MENDITALK: ESKALADA ZURI-BELTZEAN Armand Ballart Alpinismoaren inguruko literatura bere zabaltasunagatik eta gaiaren trataera anitzagatik goraipatzekoa bada ere, Armand Ballart marrazkilari eta eskalatzaile katalanak memoria historikotik berreskuratutako ikuspegi berezi bat eskaintzen du: eskaladari lotutako zuri-beltzeko irudizko krokis eta gida artistiko onenen bilduma. Formatu handiko liburu honen erakargarritasun nagusia eskuz egindako 200 ilustrazio dira, guztiak zuri-beltzean sortuak. Horien bidez, irakurleak hainbat eta hainbat eskalada-eskola eta hormatan barrena bidaiatuko du, ideia beraren bueltan elkartutako 87 egileren sormena agerian utziz: berez erabilgarritasun hutsera mugatzen den zerbait erakargarri bihurtzea. Joera hori Katalunian eta Valentzian sortu zen 1970eko hamarkadaren amaieran, eta denborarekin, ia oharkabean, mugak gainditu ditu jatorrizko espirituari eutsiz. Gaur egun, munduko edozein txokotan aurki daitezke eskaladako gida ilustratuak. Seguruenik guztiek helburu bera izango dute epe luzera: abentura grafikoaren bidez ikusgarriago bihurtzea. Baina nekez izango dute liburu honetan bildutako marrazkien esanahia eta funtsa.
19:45	HASIERA EKITALDIA Euskalduna Bilbao - 05 dic 19:45 - I Follow Rivers Euskalduna Jauregia I FOLLOW RIVERS Norvegia, 93 min Zuzendaria: Barbora Hollan ESTATU MAILAKO ESTREINALDIA Mariann Sæther (42) munduko ur bizietako kayakista onenetakoa da. Nerabea zenetik, gizartearen arau eta espektatiba askori egin die aurre. Ama bihurtzean, muturreko kiroletako atleta izan eta familia edukitzea bateragarriak direla erakutsi nahi du. Baina ibaiko bizimoduak dakarren arriskuak merezi al du? ‘I Follow Rivers’ bizitzari, heriotzari eta oreka aurkitzeari buruzko filma da, Mariannen bizipen eta nortasunean oinarritua.
Igandea. 06 Abendua, 2026
10:00	WORKSHOP MENDIKO AKUARELA ESPERIMENTALA ETA KROKISA Euskalduna Bilbao 6 Dic 10:00 Euskalduna Jauregia MENDIKO AKUARELA ESPERIMENTALA ETA KROKISA ELI AZURMENDI Y CHEMA AGUSTÍN Akuarelen tailer esperimental honetan mendiak eta krokisak akuarelaz margotuko ditugu, transferra, collagea, eta antzerako teknikak aplikatuz, marrazki guztiak batu eta akordeoi liburu bat sortzeko. Eli Azurmendik eta Txema Agustinek gidatuko gaituzte. Eli Azurmendi Expocroquis proiektuaren egileetako bat eta koordinatzailea. Bertan daude 'El Arte en el croquis de escalada-Art in climbing Topos' liburua, 'HARRI, ORRI, ARkatz' erakusketa, eta izen bereko dokumentala. Chema Agustín Artista plastikoa, mendizalea eta eskalatzailea. Riglos vertical eskalada gidaren egileetako bat da, Riglorámico bere artista-liburuan Mallos de Riglos eremuaren ikerketa plastikoa egiten du, Alpinist54 aldizkarirako mendi gaiei lotutako poker-sorta bat diseinatu du, eta Ordesa, Naturaleza y cultura popular liburua jantzi du haren ilustrazioekin.
11:00	Euskalduna Bilbao - 06 dic 11:00 - MendiTalk: (HISTORIAS) BAJO CERO Euskalduna Jauregia MENDITALK: ZERO AZPITIK (ISTORIOAK) Juan Vallejo Eskalatzaile gutxik eduki du hormatik erori eta bizirik ateratzeko zoria. Juan Vallejo onik atera zen, baina zauri larriekin: hezur-haustura ugari, ebakuntzak, burdinak gorputzean... eta eskalada gehiago ez egiteko aukera guztiak. Bizi ote liteke eskalatzailea hormara eta mendi altuetara igo gabe? Ohean etzanda, Juanek istripuaren unera arte eginiko ibilbidea errepasatu du, mendiak zain ote dituen jakin gabe. Pirinioak, Himalaia, Karakorum, Patagonia, Yosemite, Peru, Groenlandia... oroitzapen horietan daude, besteak beste, Juanito Oiarzabal, Alberto Zerain, Edurne Pasaban, Mikel Zabalza, edota Alberto Iñurrategi.
12:00	Euskalduna Bilbao - 06 dic 12:00 - Alone in Antarctica / Not Just Running / Denboraren ibilaldia Euskalduna Jauregia NOT JUST RUNNING Kenia, 12 min Zuzendaria: Joel Badia EUSKADI MAILAKO ESTREINALDIA Joyce Njeruren erretratu intimoa, mugimenduaren bidez bere burua ulertzeko, hazteko eta bere bidea eraikitzen jarraitzeko modu bat aurkitu duen mendi lasterkaria. Filmak Joyce gertutik ezagutzeko parada ematen du, ez soilik goi mailako korrikalari gisa, baizik eta bere kulturak, determinazioak, diziplinak eta lurrarekin duen lotura estuak eratutako pertsona gisa. ALONE IN ANTARCTICA Hego Korea, 48 min Zuzendaria: Kim Youngmi, Kim Jeeyoung EUSKADI MAILAKO ESTREINALDIA Kim Youngmi Antartika bakarka zeharkatu duten pertsonen artean laugarrena da, eta bide batez, asiar batek burututako lehen zeharkaldia da berea. 70 egunez, erabateko bakardadean ibili zen, jan, lo eta lerari tiraka. Hala ere, bakarka ezer ez dela lortzen dio, beste askoren otoitzek eta animoek lagundu ziotela 1.786 kilometroko ibilbidea osatzen. Filmak hamar urte baino gehiagotan prestatutako espedizio baten kronika jasotzen du, eta urrats soil bat emateko beharrezkoa den ausardiaz hausnartzen du. DENBORAREN IBILALDIA Espainia, 43 min Zuzendaria: Aitor Intxaurraga Arana NAZIOARTEKO ESTREINALDIA Bidaia dokumental bat, Gorbeiako Parke Naturaleko 1.000 metrotik gorako 50 tontorretan egindako zeharkaldi luze eta zorrotz bat kontatzen duena, eta erronka fisikoa lurraldearen memoriarekin lotzen duena.
12:30	Euskalduna Bilbao - 06 dic 12:30 - MendiTalk: UNA MUJER IRANÍ EN EL TECHO DEL MUNDO Euskalduna Jauregia MENDITALK: EMAKUME IRANIAR BAT MUNDUKO GAILURREAN Parvaneh Kazemi Munduko tontorrik garaienetara iristeko erronkak ez dira soilik eskaladaren alderdi teknikoetara mugatzen. Are gutxiago emakumea bazara, gizarte tradizional eta erlijioso batean hazi bazara, Irango Errepublika Islamikoan, eta inolako babes edo laguntzarik gabe jardun behar izan baduzu. Parvanehk beti modu erabat autosufizientean antolatu eta garatu ditu bere espedizioak. Alpinismoari berari lotutako zailtasunez gain, emakume eta mendizale independente izateagatik oztopo ugari topatu eta gainditu ditu bere bidean. Sei mila eta zazpi mila metroko hainbat gailurrez gain, bost zortzimilako igo ditu, eta bere herrialdeko pertsona askorentzat erreferente bihurtu da, bereziki emakume eta gazteentzat.
16:00	Euskalduna Bilbao - 06 dic 16:00 - PanelTalk: LABORATORIO DONNE: EL CUERPO EN LA MONTAÑA Fisiología, maternidad y aventura Euskalduna Jauregia PANELTALK: LABORATORIO DONNE: GORPUTZA MENDIAN FISIOLOGIA, AMATASUNA ETA ABENTURA Riccarda de Eccher, Elena Goatelli, Anna Carceller Mallada, Esther Morencos, María Francisca Mas Riera Laboratorio Donne, Riccarda de Eccher eta Elena Goatellik sortua, mendian genero-berdintasunari buruzko hausnarketa eta eztabaidarako gune irekia da. Hamarkadetan zehar, gizonezkoen gorputza izan da kirolaren erreferentzia nagusia. Zer aldatzen da emakumeen fisiologia kontuan hartzen denean? Erresistentzia-kiroletan emakumeek azken urteotan lortutako lorpen aipagarriak abiapuntu hartuta, topaketa honek hilekoaren zikloa, haurdunaldia eta menopausia izango ditu hizpide, baita horiek entrenamenduan duten eragina ere. Horrez gain, eskaladan eta alpinismoan amatasunak dakartzan bizipenak aztertuko dira, hazkuntza eta mendiko jarduera uztartzeko erronkak jorratuko dira, eta jarduera horietan jarraitzeko aukera ematen duten baldintza sozial eta ekonomikoak landuko dira, babesletzak ere aintzat hartuz. Partaideak: Riccarda de Eccher, alpinista eta artista Elena Goatelli, zinegilea Anna Carceller Mallada, kirol medikua eta ikertzailea Esther Morencos, ikertzailea eta kirol prestatzailea María Francisca Mas Riera, ikertzaile feminista eta idazlea
17:00	Euskalduna Bilbao - 06 dic 17:00 - Mère de glace / HAMM! / A simple life Euskalduna Jauregia HAMM! Ameriketako Estatu Batuak, 13 min Zuzendaria: Tahria Sheather EUSKADI MAILAKO ESTREINALDIA Ezagutu dezagun Lindsey Hamm: Texasko “ardi beltza”, 25 urterekin mendiko gidari izateko bokazioa aurkitu eta ordutik bere ibilbide profesionala besteren ametsak gorpuztera bideratu duena. Katie Lambert eskalatzaile ospetsuarekin, bere mentore eta lagunik minena, Yosemitera abiatuko da harentzat eskalada libreko lehen proiektua izango dena gauzatzera: Dream Team. Igoera hau ez da historiara pasatzeko saiakera bat, norbere adierazpen bideen eta identitatearen bilaketa bat baizik. A SIMPLE LIFE Austria, 43 min Zuzendaria: Jakob Schweighofer ESTATU MAILAKO ESTREINALDIA Ilse eta Fritz Priesnerren istorio aparta: ia 60 urte daramatzate elkarrekin, ohiko gizarte-arauetatik urrun bide egiten. 1980ko hamarkada hasieran, Austria Garaiko Mühlviertel eskualdea utzi eta hiru seme txikiekin Indiara abiatu ziren. Bidaia abenturaz beteriko jostaleku bihurtu zen haientzat. Gaur egun, adinean sartuta egonik ere, Ilsek eta Fritzek bizitza beren moldera eraikitzen jarraitzen dute. Filma, askatasunari, ausardiari eta geldirik egon baino bixi bizi nahi izan duen bikote bati eskainitako maitasun gutuna da. MÈRE DE GLACE Frantzia, 40 min Zuzendaria: Enzo Besson ESTATU MAILAKO ESTREINALDIA Marion Salmon Thomas Frantziako selekzioko izotz eskaladako kirolaria da. Bere ibilbidearen gailurrean, kirolean oso gutxitan hartzen den erabaki bat hartu du: ama izatea, bere anbizioei uko egin gabe, ziur baitago amatasuna eta errendimendua bateragarriak direla. Bere gorputza etengabe eraldatzen den lurralde bihurtzen da, abortuak, haurdunaldia, erditze zaila eta berreskurapen fisikoa tarteko. Semea jaio eta zortzi hilabetera, bere ametsa beteko du Munduko Kopan lehen garaipena lortuz.
18:45	Euskalduna Bilbao - 06 dic 18:45 - MendiTalk: LOST IN TRANSLATION – Aventuras de un traductor de alta montaña Euskalduna Jauregia MENDITALK: ITZULPENEAN GALDUTA – GOI MENDIKO ITZULTZAILE BATEN ABENTURAK Luca Calvi Luca Calvi eskalatzaile eta mendizale sutsua da, baita mendi-jaialdietako itzultzailea ere. Bizitza osoa eman du “lost in translation”, nazioarteko alpinismo eta eskaladako figura handienen hitzen artean “galduz”. Liburu honetan, urteotan bizi izandako topaketak, pasadizoak eta istorioak berreskuratzen ditu. Bere orrialdeetan barrena, Simon Yates, Jim Bridwell, Doug Scott, Mick Fowler, Dean Potter, Thomas Huber, Alex Honnold, Tommy Caldwell, Igor Koller, Reinhold Messner, Alex Txikon eta Nasim Eshqi bezalako izenekin bidaiatuko dugu. Haietako batzuei buruz zuen iritzia aldatu egin zitzaion aurrez aurre ezagutu ondoren, eta agian gauza bera gertatuko zaio irakurleari ere. Barre algaraka egin eta garagardo bat partekatuko dugu haiekin batera, nazioarteko alpinismoaren legenda handienekin.
19:45	Euskalduna Bilbao - 06 dic 19:45 - Trango Euskalduna Jauregia TRANGO Norvegia, 120 min Zuzendaria: Christopher Carvasal NAZIOARTEKO ESTREINALDIA Eskaladaren historiako lorpen handienetako batean inspiratuta, Robert Caspersen eskalatzaile norvegiar ospetsuak eta haren taldeak Karakorumera espedizio bat abiatuko dute Trango Dorrearen munduko harkaitz-horma garaienetako baten, Trango Pulpit hormaren, gailurrera iristen lehenak izateko ametsarekin. Hamabost urte lehenago, 1984ko Norvegiako espedizioak mugarri bat ezarri zuen, baina alde iluna ere izan zuen, eskalatzaileen komunitate osoan arrasto sakona utziko zuena.