Abenduaren 6tik abenduaren 15ra arte – Euskalduna 3A - 3B Aretoak
Ordutegia: 11:00 - 13:30 / 16:00 - 20:00
Bisita gidatua (izen - ematea beharrezkoa): Larunbata, abenduak 7 eta 14 11:00
Izen - ematea larunbata 7 - 11:00 hemen
Izen - ematea larunbata 14 - 11:00 hemen
1974an euskal talde bat abiatu zen Chomolungma (Everest) mendiko gailurrera iristeko asmoz, Tximist Espedizioa. Juan Celaya enpresariak finantzaturik, mugarri bat izan zen euskal mendizaletasunaren historian, munduko gailurretik gertu geratu baitzen. 1980ko maiatzean munduko gailurrik garaienean ikurrina ezarri zuen Euskal Espedizioaren aurrekaria izan zen, eta gerora Euskal Herritik Himalaiako mendi handietara abiatu zen erromesaldi luze baten hasiera. Abentura horren berrogeita hamargarren urteurrenean, EMMOAk espedizio horri buruzko erakusketa hau eskaintzen dizuete atsegin handiz, Tximist espedizioak mendi handien bideak ireki baitzizkion euskal alpinismoari.
